تحياتي لكل مار بتلك المدونة
مدونتي الثانية وبيتي الثاني
تلك المرة أنا لن أتحدث ولن أحكي
لكني سأترك للصور واللوحات أن تبوح
تبوح بم ؟؟ لا أدري
أنتم تقولون لي
شاهدوا معي وقولوا ما ترونه
فكل صورة تختبأ ورائها حكاية ..
حكمة ..
أو ربما لا شئ .
لكن بالتأكيد تترك أثرا ما ..
تثير في النفس ذكري
معني ..
كلمة ..
وكم أود أن أعرف ما وراء الصور من خلال أعينكم
قلت أن العيون مرايا ..
ولسنا نري الأشياء من منظور واحد
أرجو أن تجتمع لدي أكثر من زاوية
فلا تبخلوا عليّ بما تكشفه أعينكم
أشكركم جدا ..
وأرجوا أن تنال اختياراتي استحسانكم
تحياتي للجميع
4 يونيو 2008 في 12:10 م
خلاص يا جميل انا كل ما تنشري صوره انشاء الله هادخل ابص عليها
واكتب ايه الفكره اللي في خيالي
يمكن صورة تنفع قصه
يمكن صوره تحيي الذكرى
يمكن صوره تمسح دمعه
ويمكن برده تنزل دمعه
ماهي مش صوره وبس وعدت
لا دي الصوره قصه وحصلت
فيها الناس ماشيين او يمكن
فيها الناس ماتوا واندفنوا
وانا لو اركز جوه الصوره
يمكن اشوف بلوره مسحوره
فيها حكايتي ويا حبيبتي
او فيها حكايات مشهوره
ويمكن اشوف في الصوره حكايه
عمري ماعدى عليا مثيلها
هاكتب واحكي اللي هاحسه
من صوره هتختارهاصديقتي
مستني معاكي يا سكرتي
سلاااااااااااااااااااااااام
اخوكي ايهاب
4 يونيو 2008 في 5:32 م
وأنا هاستني التعليق بالتأكيد
هاستني بتشوف ايه في الصور
أشكرك جدا يا إيهاب
سلاااااام
4 يونيو 2008 في 7:43 م
الصورة دة فيها معانى كتير دة من وجهة نظرى بس اعتقد ان فى مشاكل بين الواد دةوالبت لانة عايز يتف عليها .
وهى مخنوقة منة ومنفضالة خالص.
منة للة الى رسم الصورة .
مدوخ الناس كدة
5 يونيو 2008 في 8:18 ص
غير معرف
========
هههههههه
ماشي يامحمد بك .. مش قلنا بلاش الرأي ده بالتحديد ؟؟
ماشي ياعم
عموما رايك واللي شفته ولازم نحترمه
سلااااام كبير
8 يونيو 2008 في 2:35 م
ممكن يا انسة...... تطرحى صور اكثر واقعية وياريت تكون من الواقع يعنى تكونى صورتيهااو صورها صديق اخر صور تعبر عن الواقع المرير الى بنعيشة................اسامة دمياط
8 يونيو 2008 في 8:29 م
الصور جميلة
بس مش من زمننا
اما صورنا طوابير العيش
المشاجرات
المشاحنات
السطو المسلح
السطو الممنهج
تحياتى
9 يونيو 2008 في 8:20 ص
ozo
===
أهلا بيك يا أسامه من دمياط
واله وجهة نظر برضه
بس في الحقيقه أنا ماطرحتش الفكرة دي
أنا باتكلم عن لوحات لما باشوفها ممكن تعطيني فكرة
مش باتكلم عن الواقع لأننا كلنا عايشينه
أنا باتكلم عن الخيال اللي بنحاول نهرب بيه شويه من الواقع ده
عموما أشكرك لمرورك ولاقتراحك
لكن ماقدرش حاليا أوعد بالتنفيذ
تحياتي ودمت بخير
9 يونيو 2008 في 8:22 ص
كلام علي بلاطه
============
فعلا الصور مش من زمنا
التاريخ تحت الصورة فعلا
وانا لسه باقول لاسامه انا مش باحكي عن الواقع
مش كفاية اللي عايشينه؟؟
أنا بحاول أهرب للخيال شويه ..
أسعدني مرورك
وأشكرك لرأيك
دمت بخير
إرسال تعليق